من المستحيل ..
اخلّي الصيف يرحل بدون توديعه
بوصفة آيس كريم أخيرة ..
تقريباً كل سنة أرحب بالصيف بوصفات آيس كريم متنوعة ولكن كما قلت
بالمشاركات السابقة " الصيف " هذا كان غير عن كل صيف مر
" العالم اختنق من
الرطوبة وشدة الحرارة " اللي توقعت انها ما راح تنتهي ..
على كلا ..
السنة هذي غيّرت نظامي لصنع الآيس كريم .. بما معناه ..
تعوّدت اصنع الآيس كريم بطريقة الكاسترد " استعمال البيض "
وكذلك استعمال صانعة الآيس كريم ولكن هالسنة غيّرت
هالطريقة وقررت امشي مع
الطريقة السهلة ..
كريما خفق × حليب مكثف محلى × والمكون المطلوب لصنع النكهة والأسهل من
كل هذا وذاك
" استعمال الخلاط الكهربائي عوضاً عن استعمال صانعة الآيس كريم
"
والأمر الجيد بها السالفة ..
آيس كريم طري بدون تبلور ثلجي وبالنسبة للنكهة ما اختلفنا عليها ..
" استعمل النكهة اللي تحبها تلاقي الآيس كريم اللي تحبه
" ^_^
ولتوديع الصيفيّة هذي ...
قررت استعمل مكون أحبّه وايد " Horlicks " ...
واعتقد كان قرار حكيم جداً .. يا جماعة ترى هالـ Horlicks ما يدخل وصفة إلا ومحلّيها .. " لازم
تصدقوا " ههههه
لمن نفّذت الوصفة لقيت ان الوصفة محتاجة 4 ملاعق كبيرة Horlicks مذابة مع ملعقتين حليب حتى نحصل على اتساق
شبيه للمعجون ..
الوصفة كذلك تركت ملاحظة تقول ..
" من الممكن زيادة
كمية الـ Horlicks واضافت زيادة حليب
للحصول على طعم قوي
بالنسبة ليي ...
احترت .. اتبع الخطوة 1 والا اتبع
الخطوة 2 ؟!
لقيت انّي اكتفي بالخطوة 1 وهي استعمال 4 ملاعق كبيرة بدون زيادة
بالكمية
" خفت لا ابالغ ويروح
عليي الآيس كريم " ^_^
انتهيت من التنفيذ ونقلت الآيس كريم مباشرة ع الفريزر وودعته وعدته
الا يجي باشر " بكرة " ونلتقي ^_^
وجى الغد .. " وقت التذوق " ..
اول تذوق .. الله ع النكهة الحلوة بس شـ السالفة ما احس اني فرحانة ما
في جو الرقص والوناسة ببالي كالمعتاد ..
" الآيس كريم .. طلع حالي وايد على تذوقي .. صرتوا تعرفوا وش
بقول صح ؟
العبارة المعتادة " كأني
آكل كيلو سكر " ههههههه
تضايقت وطبعاً ما احتملت اكمل عاد ما اقولكم كيف تعابير الوجه ..
" حزن على تضايق " كأني ياهل " طفل " ومزعلينه
ههههه
وترى كنت برمي الآيس كريم على طول لولا عقلي يقولي " صبري بس لا
طراق ع الوجه " نطري باشر ممكن يحصل تمازج بالنكهات ..
ونطرت باشر ..
الله .. لا مو معقولة تتغير النكهات شدي مرة وحدة ؟!
وين الكيلو سكر ؟! وش صار عليه ؟!
ولا كأنه كان .. اصبح الآيس كريم ألذ من اليوم اللي ذقته فيه لا سكر
زيادة ولا مبالغة بالطعم
يعني اللي يذوقه أول يوم من الحومة اللي فيه يصير فيه نفس تعابير
هالصقرين الحلوين
" اول صقر شوفوا .. شدية تحسوا تخمة من الحومة .. اما اذا ما
كليتوا شي وعلى طول أكلتوا هالآيس كريم بيصير
الاحساس نفس الصقر اللي ورا "
أما اليوم رقم 3 .. انسوا هالصقرين ما لكم شغل فيهم ..
الاحساس غير .. شايفين الافلام الهندية .. كيف تمطّر الدنيا والعالم رقص
؟!
نفس الاحساس ولا الذ ^_^
For The English Language …. See
Below
Horlicks Ice Cream
المكونات :
200 مل كريما خفق
200 مل حليب مكثف محلى
4 ملعقة كبيرة Horlicks
2 ملعقة كبيرة حليب حار
1 ملعقة كبيرة خلاصة فانيلا " اختياري "
التحضير :
1/ بطاسة ، نذوب الـ Horlicks مع 2 ملعقة كبيرة حليب
حار ، ندعه جانباً ليبرد
2/ بطاسة الخلاط ، نخفق الكريما حتى نحصل على القمم المتماسكة
3/ نضيف الحليب المكثف المحلى ونخفق ثانية حتى يمتزج مع الكريما
المخفوقة
4/ نضيف معجون الـ Horlicks " الخطوة رقم 1
" ، خلاصة الفانيلا " إذا استعملت " ونطوي
5/ ننقل الخليط لعلبة محكمة ، ندخلها الفريزر لـ 4 - 6 ساعات أو طوال
الليل
ملاحظة :
نستطيع زيادة كمية الـ Horlicks لنكهة أقوى مع اضافة
القليل من الحليب حسب الحاجة لإذابته
Horlicks
Ice Cream
Ingredients
:
200
ml whipping cream
200
ml sweetened condensed milk
4
Tablespoons Horlicks
2
Tablespoons hot milk
1
Tablespoon vanilla extract ( optional )
Preparation
:
1/
In a bowl , dissolve Horlicks and the hot milk , keep aside to cool
2/
whip the cream until stiff peaks formed
3/
add in the sweetened condensed milk and whisk again until combined well
4/
add Horlicks paste and vanilla extract ( if using ) and fold
5/
transfer to a freezer container with a lid or cover tightly , let it set for 4 –
6 hours or overnight
Ps
: you can add more Horlicks for stronger taste with a little amount of milk to
dissolve it
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.