Strawberry Condensed Milk Ice Cream

موسم الصيف ..

بالنسبة لي يعني الكثير من الوصفات الخيالية على وشك التنفيذ ^_^

ولكن السنة هذي الجو صاير شديد الجفاف والحرارة وما كان الي أي مزاج لدخول المطبخ ولا التفنن بأي شي

وان تم تنفيذ وصفة ما .. فلا أجد لي مزاج لالتقاط صورة

ادري بتقولوا في تكييف وها السوالف ..

يا جماعة " والله حتى التكييف ما يبين صوب هالجو الجاف "

المهم ..

تعرفوا اني والفراولة " أصدقاء من الطفولة " حلفنا ما نتفارق " وعشان هالعهد الصدوقي

قررت ابلش بوصفة آيس كريم تحوي الفراولة .. تحديدا

 " مربى الفراولة " وبسكويت lady finger

و اللي مادري ليش مسمينه اصابع الست " حاشا " وش هالست اللي اصابعها متينة يلا عاد بلا مزح بايخ

على كلا ..

اني كنت عارفه ان هالآيس كريم راح يكون شي عدل وفعلاً طلع فوق الوصف

وعشان شدي راح اختصر الزبدة " الخلاصة " و اقول :

شايفين الآيس كريم الجاهز اللي يسمونه مقلّم " ابو لونين فانيلا وتوت " والله والله نفسه بالضبط 

مالي شغل لزمن تصدقوني بـ حلف ولا بدون " تصدقوا يعني تصدقوا " ههههه

المهم انّه لـذيذ من كل النواحي ...

وعلى فكرة ..

لا تشغلوا بالكم بآلة صنع الآيس كريم .. مع هالوصفة ما تحتاجوها

بس جهزوا كريما × حليب مكثف محلى × مربى × وبسكويت الاصابع

والمعادلة منتهية .. آيس كريم ناعم بدون تبلور ثلجي و أكيد أكيد لذيذ ..

Strawberry Condensed Milk Ice Cream

المكونات :

397 غرام حليب مكثف محلى

600 مل كريما خفق

1ملعقة صغيرة خلاصة فانيلا

1 كوب مربى فراولة

200 غرام بسكويت lady finger

التحضير :

1/ بطاسة كبيرة ، نخفق الكريما حتى تتشكل قمم متصلبة

2/ نضيف الحليب المكثف المحلى ، خلاصة الفانيلا ونخلط لـ دقيقتين

3/ بطاسة منفصلة ، نكسر القليل من بسكويت الاصابع إلى قطع صغيرة

4/ نضيف طبقة من خليط الكريما إلى بسكويت الاصابع المكسرة ونحرك ليمتزج

5/ نضيف مربى الفراولة ونحرك بلطف لخلق القليل من دوامة المربى

6/ نكرر الخطوات حتى تنتهي كمية خليط الكريما

7/ ننقله لعلبة كبير بغطاء أو علبتين صغيرتين

8/ ننقله للفريزر لـ 4 ساعات على الأقل أو طوال الليل