Frozen Mocha Tort

من اللي له مزاج بها الجو الحار والشديد الشديد الرطوبة يسوّي شي ؟!

 لا انسان متحمّل لا حيوان متحمّل حتى الأكل مو متحمّل هالحرارة ^_^

على كلّا ..

اني والشيز كيك متخاصمين من زمـان ..

مو لشي ..  بس ما ادري ليش هو الوحيد اللي اتأخر في تنفيذ أي وصفة تخصه ..

بس من يدري .. يمكن الأيام الجايّة يكون اله مساحة في " الوصفات القيد التنفيذ "

ولأن الشيز كيك منسي عندي .. يوم اللي افكر فيه لازم تكون الوصفة المختارة للتنفيذ تجذب والا " شـ لينا "   بالشيز كيك ^_^

ولذلك الوصفة اللي اخترتها تحوي " شراب الشوكولا "

مكون ما سبق واخترته لتنفيذ أي وصفة شيز كيكيّة .. وعشان شدي حبّيت اشوف الناتج النهائي اللي راح يعطيني اياه ..

بلّشت التحضير لها الشيز كيك .. واخترت قوالب الشيز كيك الفردية

 " ما احب استعمال قالب واحد واقعد في النهاية اقطع فيه .. ليش هالصعوبة يعني ؟! خلنا على الفردي وايد احسن .. كلها إزالة من القالب ووينك يـا هالطبق ويلا استلم " هههههه

المهم ..

كمية الخليط كبيرة وايد .. عشان شدي استعملت قالب شيز كيك آخر مع القوالب الفردية

الزبدة بشكل عام ..

الشيز كيك " قوامه آيس كريمي " والنكهة قهويّة وايد توقعت راح الحظ موازنة بين شراب الشوكولا والقهوة ولكن تقهوينا أكثر مما تشكلتنا ههههههه

باختصار ..

رائعة جدا جدا .. واني أكيدة أنّ محبي القهوة راح تكون خيارهم المناسب للبدء فيه والاستمتاع بطعمه القهويّ

Frozen Mocha Tort

المكونات ..

القشرة :

2 كوب أوريو مطحون

113 غرام زبدة

الحشوة :

226 غرام جبن كريمي

396 غرام حليب مكثف محلى

نص كوب شراب الشوكولا

2 ملعقة كبيرة قهوة

1 ملعقة كبيرة ماء

2 ملعقة كبيرة جيلاتين باودر

340 غرام كريما مخفوقة

التحضير :

القشرة :

نخلط الكوكيز ، الزبدة ثم نضغطه بقاع صينية قابلة للفتح مدهونة مقاس 22 سم ، نضعها جانباً

الحشوة :

1/ بطاسة الخلاط ، نخفق الجبن الكريمي ، الحليب المكثف الحلّى ، شراب الشوكولا حتى يصبح ناعم

2/ نخلط القهوة مع الماء ثم نضيفه إلى الخليط السابق

3/ نذوب الجيلاتين الباودر مع مقدار من الماء " تقريبا 3 – 4 ملاعق كبيرة " ثم نضيفه إلى الخليط السابق

4/ بواسطة سباتولا ، نطوي الخليط مع الكريما المخفوقة

5/ نسكب الخليط فوق القشرة ، ندخله الفريزر حتى يتماسك ويتصلّب

6/ نزين بـ الكريما المخفوقة ، أو ايّة تغطية بالشوكولا