هذا ....
كان يا مكان في قديم الزمان .. 3 أو
4 أشهر تقريباً " أوووه من زمان ما سويت قصص ههههه "
المهم نرجع للسالفة ...
أختي عطتني عنوان مدونة فتاة روسية
أعتقد ... وقالت لي تصفحي المدونة أكيد راح تعجبش
المدونة " متخصصة بالكروشية
" المهم بعد ما عطتني أختي العنوان .. دخلت المدونة وفعلاً عجبتني أشغال
الفتاة .. أشغالها رهيبة ورائعة الجمال ما شاء الله
تقريباً قعدت ساعة أتصفح المدونة .. كنت
مذهولة من الأشغال الجميلة
المدونة ما كان فيها إلا كم باترون
وبقية الأشغال أعتقد كانت للبيع وبعضهم أفكار
المهم ...
من أحد أعمال الفتاة اللي حبيتهم
بجنون ولم أستطع مقاومة الإبداع فيهم ...
كوبين .. الأول فيه فتاة جميلة وكان
الكوب يحتوي على قهوة
والثاني كذلك فيه فتاة و الكوب يحتوي
على الشاي
فتاة القهوة كان شعرها باللون الأسود
وفتاة الشاي شعرها بني فاتح ..
وللأسف كلا الكوبين ما كان ليهم
باترون :(
ولأني حبيت الفكرة وايـــد .. وما
قدرت اشيلها من تفكيري
قررت اني راح احاول ابتكر الفكرة وأشوف
اذا ضبطت معاي ولا لا ..
وكان قراري أول شي اني راح اسوي الكوب مليء بالقهوة
فـ جهزت ألوان الخيوط اللي راح أشتغل
فيهم لعمل الكوب " وردي غامق & وردي فاتح & و أبيض & و أزرق حليو
أستعرته من أختي ^_^ "
وبلّشت الشغل على الكوب ...
وطبعاً تقريباً خذت يومين على ما
أضبطه " أول شي طلعلي كوب يضحّك يشبه الطاسة هههههه .. فـ أعدت المحاولة لين
وأخيراً ضبط الشكل اللي حاطته ببالي "
بعدها عملت القهوة .. ما أخذت وقت
طويل فيها
بعدين بلشت رأس الفتاة .. العين
البيضاء و الأنف ....
وبعدها مباشرة عملت الأيدين والأصابع
...
وأطول جزء سويته .. عمل الشعر للفتاة
هذي أول مرة أسويه .. وخسّرني خيط
كـامل وشوي علشانه .. توقعت المسألة ماراح تحتاج هالكمية من الخيوط
مع العلم ان الخيط اللي استعملته
لشعر الفتاة كنت مقررة اسوي فيه دمية .. بس
هذا اللي صار
بعد كل هالأشياء .. جى وقت تخييط
الأجزاء بالكوب
خيطت أول شي القهوة بالكوب بعدين
الرأس واليدين
بالنسبة للعين والأنف والحاجبين
والابتسامة .. فتم تخييطهم بمجرد انتهائي من عمل الرأس
و و و .. أووووو " النتيجة النهائية " ..
حبيتها وراضية جداً عنها.. ^_^
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.