بسبب انشغالي بتجربة عمل مختلف انواع
الحلويات .. نسيت شي اسمه كيك
اعتقد آخر مرة سويت كيك فخم كانت من
ايام كان يا ما كان .. ^_^
اتذكر هديك الايام اللي كنت آخذ وقت
طويل بالمطبخ .. عشان اركز وافكر كيف اطلع الكيكة بشكل حلو
وبناء على ذلك ..
قررت اني لازم ارجع اسوي كيك على
الأقل من وقت لوقت ... يعني حسب الوقت والمزاج ^_^
وأول كيكة قررت اني اسويها .. هي
لاخوي الصغير بمناسبة عيد ميلاده
بصراحة .. كانت ببالي افكار وايد
للكيكة .. بس بسبب ضيق الوقت والتعب ... اضطريت ان الغي كل ما خطر ببالي
واضطريت اسوي كيكة خفيفة وبالنسبة
للتغطية ما احترت فيها وايد
اخوي يحب طعم القهوة وايد لذلك كان
الانسب اني اسوي التغطية كريما الزبدة بالقهوة
وذوبت شوية شوكولا عشان التزيين
العشوائي ...
على فكرة ...
اخوي الصغير معتاد بعض الأحيان انه
يقعد معاي لما ادخل المطبخ .. فلما كنت اجهز للكيكة
كان كل دقيقة يسألني " طبعاً ما
كان عنده ادنى فكرة .. اني قاعدة اسوي كيكة عيد ميلاده " المهم كان يسألني
وش تسوي ؟ قلت له كيكة " انتون
عاد تخايلوا الموقف ^_^ "
على وشو ؟ بتغطية القهوة .. وبعدها عمّ الهدوء
المهم ..
بلشت تحضير الكيكة .. كانت الخطوة
الأولى
اني احط البيض والسكر في طاسة
واخفقهم على حمّام مائي
" هالخطوة عاد خذت تقريباً 15
دقيقة واني اخفق حتى اوصل للكثافة المطلوبة ..
وشوي وايدي تموت واسوي ليها انعاش هههههه .. وهو كان يقولي " تبغيني
اساعدش ؟ "
واني اقول له : لا ما يحتاج .... "
احب اسوي شغلي بنفسي " ^_^
بعد مرور 15 دقيقة .. وصلت للكثافة
المطلوبة ... بعدها ضروري نواصل الخفق بالمزيج بس بدون ما يكون على الحمّام المائي
حتى يبرد وتقريباً خذت نفس الشي 15 دقيقة
هني عاد ماتت ايدي " تمنيت
وقتها لو استعملت الخفاقة اليدوية بالمرحلتين على الأقل كان الوقت بيكون أقل
وأقلها ما ماتت ايدي هههههه " بس يلا مو مشكلة
المهم بعد النص ساعة حسيت بلّش الشغل
الحقيقي فعلاً ومن هنا اصبح الأمر سهل
مجرد ننخل الطحين ونطويه مع مزيج
البيض البارد وانتهينا
بعدها خبزت الكيكة وتركتها تبرد وثم
غطيتها بالبلاستيك وحفظتها بالبراد طوال الليل " هذي أفضل طريقة لاراحة الكيك
الاسفنجي قبل تقطيعه وحشوه وهكذا "
ثاني يوم ...
حضرت كريما الزبدة بالقهوة وقطعت
الكيكة إلى طبقتين وحشيتها بالكريما وبعدين غطيتها من القمة ومروراً بالجوانب
بالكريما كذلك
وبعدها ذوبت شوكولا بالحليب ومجرد
عملت خطوط عشوائية وانتهينا
ثم دخلتها البراد حتى حان وقت
التقديم
الحين نجي لـ لحظة اعلان ان الكيكة
هذي كانت كيكة عيد ميلاد مجانية هههههه
طلعتها من البراد وحطيتها على
الطاولة وقلت لاخوي ان هذي الكيكة هي كيكة عيد ميلادك
ابتسم واستانس وايد وما صدّق ان كل
هالانجاز كان له ^_^
والأهم من كل هذا ...
ان الكيكة عجبته وايد شكلاً وطعماً
... " يا لهـا من راحة بحق " ^_^
على فكرة ..
وضعت ليكم فقط مكونات وطريقة تحضير
الكيكة الاسفنجية
وبالنسبة للكريما " تلاقوها
بالمدونة .. أو تقدروا تستخدموا الكريما اللي تفضلوها "
المكونات :
للكيكة الاسفنجية الخفيفة ...
4 بيض بحرارة الغرفة
رشّـة ملح
التحضير :
1/ ندهن قالب كيك عمقه 20 سم ونرشه بالطحين
2/ نسخن القالب بالفرن على درجة حرارة
120 مئوية
3/ نضع البيض & السكر في طاسة
مقاومة للحرارة ونخفق قليلاً لمزج المكونات
4/ نضع الطاسة فوق قدر من الماء
الساخن على نار هادئة " طريقة
الحمّام المائي " ونخفق المزيج باستمرار حتى يصبح كثيف وباهت اللون
" تقريباً 15 دقيقة "
5/ نرفع الطاسة من فوق قدر الماء
الساخن ونواصل خفق المزيج باستمرار حتى يبرد
" تقريباً 15 دقيقة "
6/ ننخل الطحين & الملح ، ثم
نسكبه فوق مزيج البيض البارد ونطوي بالسباتولا أو ملعقة معدنية كبيرة
" يرفع المزيج فوق الطحين لدمجه
دون الخفق بسرعة .. لإزالة الفقاقيع الهوائية "
" نتأكد من أن المزيج أصبح
جاهزاً برفع الخليط بالملعقة ثم نعمل رقم 8 فإذا لاحظنا ان الرقم
ثابت ولم يختفي بسرعة يكون المزيج جاهزاً للخبز "
7/ نسكب المزيج في القالب الساخن
ويخبز على حرارة 170 مئوية لـ 25 دقيقة
" ينبغي ان تنتفخ الكيكة ويصبح
لونها باهت "
8/ ننقل الكيكة لسلك التبريد حتى
تبرد تماماً
" لعدم اظهار خطوط السلك على
الكيكة .. نضع على سلك التبريد منشفة نظيفة ثم نضع فوقها الكيكة "
" يفضّل .. ان نغلّف الكيكة
بالبلاستيك بعد أن تبرد تماماً ثم ندخلها البراد طوال الليل .. وبعدها تصبح جاهزه
للحشو والتزيين "
9/ بعد ذلك ، نستطيع تحضير أي كريما
نفضلها لحشو وتغطية الكيكة
" كما اشرت سابقاً .. حضرت
كريما الزبدة بالقهوة .. تجدونها بالمدونة اذا رغبتم "
10/ نقطع الكيكة إلى طبقتين ، نمسح
أولاً بالشراب السكري المنكّه بالقهوة أو الشراب السكري العادي ثم نضع كريما الزبدة
11/ نضع الطبقة الأخيرة من الكيك
ونمسح بالقليل من الشراب السكري ثم نغطي القمة وكذلك جوانب الكيكة بكريما الزبدة
أو الكريما الذي نفضلها
12/ ندخلها البراد ، حتى يحين وقت
التقديم
Enjoy
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.