انظروا من هنا " TAZ " شخصيتي الكرتونية المفضلة ..
رغم انه عدائي وفوضوي ومزعج بطريقة
لا تحتمل الا اني أحبـه ^_^
وفي ذكرى تخصه .. من فترة طويلة وايد
وايد وايد وايـد " باختصار من ايام كان يا مكان "
كنت رايحة الى دكان هدايا وفجأة
لقيته بالدكان " يا حليله " ما قدرت اقاوم وما آخذه ولكن للأسف بوقتها
ما كان عندي ميزانية كافية " انكسر قلبي " واضطريت اتخلى عنه الى ان
نسيته تماما ...
ومرت السنين وجى الوقت اللي اني
بنفسي اقرر اسويه ..
بالبداية كنت متحمسة وايد .. ولكن
اثناء العمل لقيت ان في اخطاء بالباترون وغرز ناقصة " للمرة الثانية انكسر
قلبي " لأن حسيت ان ما في نهاية لها الباترون ..
مع ذلك قررت اشوف حل لها الاخطاء
واضبطه بطريقتي الخاصة .. وأخذ مني وقت طويل على ما اصححه واعدل الاخطاء
كل جزء كنت اصححه واخلصه اكون ماني
مقتنعه فيه واقول لا مو هذا شكل TAZ والاقي
اختي تقول لي لا هذا شكله كملي الشغل وشوفي ..
فـ كملت الشغل وبعد الانتهاء من
الاجزاء .. ركنته على جنب " استغرق مني وقت طويل حتى انهيه ولذلك قررت اني
اتركه لفترة بعدين اخيطه "
بعد مرور فترة كافية .. خيطت الاجزاء
ببعضها .. وحقيقة ما صدّقت اني خلّصته وان فعلاً حصلت على TAZ
" أعتقد حتى انّي أقدره أكثر من
أي شخصية ثانية سويتها " ^_^
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.